Иттин куу башына жасалган дуба!

Март айы жаңы башталган. Улам сары кар жаап, күн ачылса кайра эрип, көчөнүн баары  ала шалбырт  ылай болуп жатканына карабай ар кайсы үйгө кирип кайыр сураган цыган аялдардын тобу пайда болду.  Сыягы Жамбул тараптан келишкендей.  Чычканга кебек алдырбаган казак-кыргыз бажыканасынан булар кантип өтүштү десең?...

 

 

Самсаалаган кир кийимдерди кийип көрүнгөндүн алдын тороп кайыр сурап акидей асылган немелерди жактырган деле киши жок. Көпчүлүк эл дарбазаларын илип үйүнө жолотпой, иттер абалап үрүп, демейде мелтиреп турчу  жаткан  көчөгө жан кирди.

Биздин үй четте, элдин баары  короолорун чептей бекитип, бийик  коргондорду куруп, заңкайган дарбазаларды орнотуп алышкан. А биздики илгерки жыгач штакетник боюнча турат. Эски жыгач дарбазабыздын  илгичи да жок.

 

Эшикте кир жууп жаткам. Дырылдаган кир жуугучтун үнүнөн үйгө кирип келген цыган аялды да байкабай калыпмын. Карпа күрп алдыма тура калган аял менен тиктеше түштүм. Көгүлжүм сургулт көздөрү алайып,  калың үрпөйгөн кашына жарашкан куш муруну ормойгон, оозу толо алтын тиш  жапалдаш бойлуу борсойгон аял мени  карап үйдү колу менен жаңсагылап сүйлөй баштады.

 
  • Үйүңдө дуба бар, катуу дуба-каргыш. Сен ишенбей жатасың. Дегеле силер буга ишенбейсиңер. Мен азыр...азыр таап берем, деп орусча сүйлөп, анан менден жооп күтпөй эле четте турган күрөктү алып  үйдүн чарбак жагына басты аял. Үйдөн чыккан жолдошум делдейип мени карап калыптыр. Мен да эсим ооп турганда алиги аял кыйкырды
  • - Эмне турасыңар. Бери келгиле, болгула. Бул силерге эле жакшы.

Жолдошум экөөбүз аялдын жанынан барганда аял куурап калган жүзүмдүналдын көрсөттү:

 
  • Ме, каз тезирээк, деп күйөөмдүн колуна күрөктү карматты.
  • Мына ушул жерде, так ушул жерде. Мага ишенбейсиңер, өз көзүңөр менен көргүлө, өз колуңар менен алгыла!

Жолдошум жерди каза баштады. Аял тынбай сүйлөп четте турду. Колу менен жаңсагылап, улам көрсөтүп жатты. Ишенээр ишенбесимди билбей эсим ооптура бердим.

 

Бир маалдаклеёнкагаоролгон бир нерсе чыкты.

-Жакын келгиле, жакын келгиле! Аял чебеленип кыйкырып жиберди.

Жолдошум экөөбүздүн көз алдыбызда аялтопурак жармашып, четтери карайып чирий баштаган клеёнканы ачты. Иттин куураган куу башы экен. Аны клеёнкага бапестепороп ким көмдү экен? Баштын жанындадат баскан кичинекей кулпу, оролгон чач бар экен.

Цыган аял бирдемелерди окуп, күбүрөп-шыбырап, окшуп-кусуп жатып бир маалда

-Бүттү дубаны жандырдым. Жүр эми муну ыргытабыз, каякта шар аккан суу бар деди мага. Аял экөөбүз токойжээктей барып шарылдап агып жаткан сууга жанагы балакеттин баарын ыргытып жибердик.Агын суу баарынкүрмөп жуткан немедей ала салдырып алып кетти. Эмнегедир жеңилдене түштүм бир балээден кутулгандай терең дем алдым.

 

Цыган аялга ырахматымды айтып бүтө албай, сандыгымды ачып, мата, жоолук айтор каалаганын бердим.

  • Билип турам, силерде акча жок. Кымбат буюм-тайымыңар да жок. Кедейликтин сазына батыпсыңар. Баары дубанын айынан, муну көрө албаган жакын адамдардын бири эле жасаган деп цыган аял жолуна түштү.

Ойлонуп отуруп калдык. Ушул үйдү жаңы сатып алганда абысыным үйдү биз алабыз, биз бөлүнөбүз деп чатак чыгарып, кайнагам акча таба албай, төркүндөрүм акча таап беришип биз көчүп кеткенбиз. Жаңы көчүп келгенибизде чарбагыбыз жүзүмзар эле. Жүзүмдү терип бүтүрө албай калганбыз.Кийинки жылы жүзүм албай калды. Андан кийин жүзүм куурай баштады. Көрсө, дуба так ошол жүзүмдүн алдына көмүлгөн турбайбы.

 

Ошентип дубаланды деп өзүбүз да ишенип алдыкпы, же чындап эле ошол дубанын күчү биздин ишибизди илгерилетпей жатты беле айтор, ошол окуядан көп узабай ишсиз олтурган жолдошума эбептен себеп болуп жакшы иш таап иштеп кетти. Мага дагы иш табылды. Жашообуз оңоло баштады, эл катары мал күтүп, машина алып, үй жайыбызды ремонттой баштадык. Айыгаар дарттын дабагери өзү келет деген сөз чындык турбайбы деп ойлойм. Рахмат ошол цыган аялга, ал болбосо дагы канчага кыйналабермекпизби билбейм...

Facebook барагыбызга жазылыңыз