Эмнеге эркектер чын жүрөгү менен сүйгөн аялдарынан кетишет? Анын 8 себеби бар

Аял менен эркектин ортосундагы ысык мамиле сүйүүнүн кетиши менен гана аяктабайт. Эркек өзүнүн сүйүктүү жарынан таптакыр башка себептерден улам кетиши ыктымал.

 

 

1.Сиз өзгөрдүңүз

Түгөйлөр жакындашканда алар бири-бирине 100 пайыз окшоштой сезишет. Убакыттын өтүүсү менен ар биринин өзүнчө кызыкчылыктары, достору, иштери пайда болот. Сүйүктүүңүз сиздин мурдагыдай болбой өзгөрүп баштаганыңызды сезе башташы мүмкүн. Сиз андан алыстап баштагандай сезилип, ал сизди “жоготуп” алгандай сезе баштайт. Ортодогу мамиле сууп, ал сизден өзүнчө боло баштайт. Мындан да жаманы, сиздин тышкы келбетиңиз өзгөрүп, өзүңүздү таштап жиберүүңүз мүмкүн. Албетте 24 саат бою келбетиңизге көңүл бура албайсыз, бирок маал маалы менен өзүңүзгө кам көрүүнү эстен чыгарбаңыз.

2. Бирдей багытка бет албоо

Жашоонун бир мезгилинде экөөңүздөр эки башка багытка бет алып кетүү болот. Ортоңуздарда мурдагыдай эле сүйүүнүн жалыны бардай сезилет, бирок сиздин кызыкчылыгыңыз башка, мырзаңыздыкы башка болуп калышы мүмкүн. Мындай көрүнүштөр көбүнчө 5 жылдан ашуун турмуш курган түгөйлөрдүн арасында кездешет.

3. Сиз аны менен бактылуу эмессиз

Эркекке аялынын эң бактылуу болушу абдан маанилүү. Бул нерсе эркектин жаратылышында бар. Аял заты кайгырса, андан да жаманы ыйласа, эркек өзүн күнөөлүү сезе баштайт. Көп кайталанган мындай басымды эркек көтөрө албай “мен кетсем аялым бактылуу болоор” деген үмүттө кетип калат.

4. Сиз ар дайым “кичинекей кыз” болгуңуз келет

Аял заты ар кандай болуп туруусу керек экендигин психологдор айтып келишет. Бирде ханыша болуп бирде секелек кыз болуп турууңуз жакшы, эркектер өз сүйүүктүүсүнө кам көргөндү жактырышат бирок баары чеги менен болуусу абзел. Гармонияда жашоо үчүн “ата-кыз” образы болуусу туура эмес. Мырзалар да аял затынын колдоосуна муктаж экенин унутпаңыз.

5. Мырзаны өзүңүздүн табитиңизге жараша түзөтүү

Түгөйлөр убакыттын өтүшү менен бири-биринин кылыктарын жактырбай башташат. Өзгөчө аял тараптан күйөөлөрүнө болгон талаптар өзгөрө баштайт. Күйөөсүнүн кийингени жакпайт, же катуу күлөт, же жумушта көпкө кармалат. Сүйүктүүңүздү жоготкуңуз келбесе майда барат нерселереге көңүл бура бербеңиз.

6. Ортодогу мамиледе негативдин көптүгү

Үйдөгү жагымдуу маанайдын болуусу көбүнчө аял затынан таасир этет. Эгер ортодо түшүнбөстүктөр, таарынычтар болуп, бат-бат уруша берсеңиздер бул, мырзаңыздын кетип калуусуна алып келет. Бардыгы өз колубузда. Ар дайым жылмайып, болоор болбоско капа боло бербей жолдошуңузга жагымдуу маанай тартуулап, ар дайым позитивде болуу да бул айымдардын колунда.

7. Башкаруу

Эркек өзүн аялга башкартууга уруксат берет, бирок качанкыга чейин? Бардык нерсенин чеги бар. Башкаруу жолу менен каалаган нерсеңизге жете албайсыз. Мындай нерседен эркек бат эле тажап кетет. Аны өз жайына койуп, чечим чыгарууну анын эркине койуңуз.

8. Сиз аны баалабайсыз

Эркектердин психологиясы өзү ушундай, аларды ар дайым ар бир кылган ишин мактап туруусун каалашат. Мамилеңиздердин баштапкы мезгилин эстеп көрүңүз, анын ар бир кылган ишине таң калып, баа берип турат элеңиз. Азыр эмне болду? Жакшы сөздү айтуу кыйын эмес, андыктан сүйүктүүңүздү баалап, эң жакшы гана сөздөрдү айтып туруңуз.

"Жакты" кнопкасын басып, Facebook
барагыбызга
жазылыңыз.
Биринчилерден болуп бизди окуңуз.