Эмнеге адам топурак жегиси келет? Зыяны жана пайдасы

Ар бир адам кайсы бир убакта тамактан тышкары өзгөчө нерселерди жегиси келген учурлар болот. Мисалы топурак, бор, кагаз, аки таш ж.б. мындай көрүнүш көбүнчө өспүрүм куракта жана боюнда бар аялдарда кездешет. Эмне себептен мындай болот?

 

 

Жегенге болбой турган нерселерди эңсеп баштаганда алгач доктурга көрүнүп себебин аныкташ керек. Бул организмде кандайдыр бир витаминдин жетишпей жатканынан келип чыгат. Бирок бул нерсеге адамдар көп көңүл бурбай каалап жаткан нерсесин издеп таап жеп башташат. Топурак жегиси келген адамдардын көбүнчө каны аз болот, организмге темир жетишпеген болот.

 

 Бор жегиси келгендерде кальций жетишпейт. Башкача айтканда С, D E витаминдери жетишсиз болгондо ушундай каалоолор келип чыгат. Боюнда бар, жана эмизип жаткан аялдардын 90 пайызында ушундай көрүнүш болот. Айрым учурларда даам иштетүү начарлагандан болот.

 
Зыяны

Топурак, борду кез кезте жесе эч кандай зыяны болбойт, бирок күн сайын бир канча жолудан жегенде зыяны тийет. Ашказан ичегилердин иштеши бузулат, ич катат, бөйрөктө, өттө таш пайда болот. Топурак канчалык даамдуу сезилбесин аны башка нерсе менен алмыштыруу керек. Доктур менен кеңешип атайын витаминдерди ичүү керек, темир, кальцийге бай азыктарды колдонсоңуз бара-бара топуракты эңсөө өзү эле жоголот.

 
Бул азыктарды колдонуңуз:

Боор

Кургатылган жемиштер

Уйдун тили

Анар, кызылча, жашылча-жемиштер

Цитрус

Жумуртка

Кой, уйдун эти

 

Организмге жетишпей жаткан витаминдердин ордун топурак жеп толтура албайсыз. Жегенди уланта берсеңиз жылдар бою жеп жүрө бересиз, жыйынтыгы жаман болот. Андан көрө бир аз чыдап койуп жогорудагы азыктарды баттан жеп турсаңыз каалоо кетет. Эч кандай пайдасы жок!

Facebook барагыбызга жазылыңыз