Болочок аялыңды кантип тандаш керек (даанышман икая)

Макаланы чыгарган: Nurlan Ishenov
Чыккан күнү: 06/07/2017
Бардык көрүүлөр: 4,855

Бир жолу эркектер чогулушуп чалдан сурашыптыр: -Айтсаңыз, сиз кемпириңиз менен жарым кылымдан ашык жашадыңыз, бир дагы урушуп-кыйкырышып жатканыңарды көргөн да, уккан да жокпуз. Кантип?

 

 

- Билесиңер да, жаштар кечинде чогулуп отурушканды жакшы көрүшөт, караңгы киргенде балдар кыздарды колунан кармап үйлөрүнө узатышат. Бир жолу узаттың – эч нерсе эмес, экинчи жолу – демек бир түрткү бар, үчүнчүсүн болочок күйөөсүмүн деп эсептей бер. Мына мен дагы ушундай бир кечтерде кызды узатып жөнөдүм. Сүйлөшүп баратсак эле, ал акырын менин колумду коё берип четке оолактады. Көрсө мен түз эле жолдогу чалчыкты кечкени баратыптырмын, бирок бурулбай кечип өтүп кеттим. Кийинки чалчыкка атайын эле бастым, ал дагы колун тартып айланып өттү.

Кийинки кечте башка кызды баягы эле жол менен узатып жөнөдүм. Ошон эле көрүнүш болду: мен кечип өттүм, ал айланып өттү.

 

Андан кийинки кеч үчүнчү кызды узутканга жол арттым. Баягы жол, баягы чылчыктар. Түз эле чалчыкты көздөй басканымда, ал менин колумду катуу кармап, менин сөздөрүмдү кунт коюп уккан бойдон, чогуу кечип өттү. Көрбөй калды деп чечтим да, кийинки тереңирээгине бастым. Дагы чогуу кечип өттүк. Мына ошондон бери чогуу, урушпай-талашпай жетелешип жашап келатабыз – деп чал сөзүн бүтүрдү.

 

Эркектердин баары оозун ачып турушту, улуурактары болсо:

- Муну эмнеге эртерээк айткан жоксуз, биз да аялды сиз сыяктуу тандайт элек да. Балким биз дагы бактылуу болот белек, - дегендей түрдө калышты.

"Жакты" кнопкасын басып, Facebook
барагыбызга
жазылыңыз.
Биринчилерден болуп бизди окуңуз.